實用小技巧 教你如何應付文憑試

January 22, 2020

 

仲有唔夠3個月就開始考第一份DSE written paper,唔知各位同學仔準備如何呢?

想當年嘅我,去到呢個時候唔單止心情好緊張,亦覺得無從入手。希望以下嘅貼士可以提供一個溫書嘅方向俾大家,幫你地有信心咁迎戰DSE!

 

提升溫習效率

 

  1. 規劃時間表

 

按照個人需要及能力,安排每天溫習3至4科。盡量唔好全日溫同一科,避免時間分行配不均。個人建議早上至下午可以做需要更多精神嘅嘢,例如做數、操past paper、背誦課文等。而傍晚至臨瞓前就比較適合寫notes同複習concepts。

 

可能你會覺得個腦入面有個概念每日溫啲咩就可以了,唔洗寫出嚟嘅。不過,將每日要做嘅嘢寫出嚟會令你更加有動力去跟隨進度,唔會改黎改去,令你嘅溫習變得更有條理。另外,如果你有拖延症的話,可以再用埋To-do lists去寫低每日要做嘅嘢。當你見到自己tick晒當日要做嘅嘢,滿足感都大啲呀!

 

   2.保持作息定時

唔瞓覺唔食飯咁去溫書只會降低你嘅記憶力同集中力,甚至會令你嘅身體出現毛病。溫書嘅時候,都唔好忘記要take breaks,重整自己溫書嘅步伐。有研究建議每小時高度集中後,可以小休5至15分鐘,有冇咁嘅需要就因人而異了。

 

雖然放study leave嗰時可以幾多點起身都得,但盡量keep翻早睡早起會更好。因為你考DSE嗰時每朝八點就開考,晨早流流就要動腦筋。所以盡量俾自己個腦適應朝早要運作,咁就唔使怕DSE嗰時會唔習慣。

 

   3.尋找適合自己的溫書地方

圖書館、樓上自修室、Coffee shop、學校、屋企,甚至快餐店,都可能係同學仔嘅選擇。喺邊度溫都唔緊要,最緊要係你認為環境夠靜,可以幫你集中到。不時轉下讀書環境都係唔錯咖,咁就可以睇下自己喺邊度溫習最專注。

 

MyBASE 有單人同雙人座位,亦有獨立房間同埋大枱,總有一款啱你心水。除此之外,我哋仲有零食同咖啡供應,當你溫到攰嘅時候幫你叉叉電。高速WiFi、插頭同叉電線呢啲係基本添啦!


 

 

溫習的方法

  1. 理解考試內容

有時候遇到唔明嘅嘢,同學可能會背咗佢就算,選擇唔去理解背後嘅概念。不過咁樣做係大錯特錯。唔明一定要問到明為止,咁先可以將概念靈活運用,題型有改變時都會識得答翻。

 

另外,都想講下溫習中文範文嘅方法。背誦文章係緊要,不過你更加需要去了解文章主旨、段落大意及詞義。大家不妨花時間係呢幾方面做多啲功夫。

 

   2.做Past Paper

做Past Paper嘅好處唔多講了。都係幫你了解不同題型,同埋係做嘅途中睇下自己有啲咩係未熟。咁究竟應該做啲咩Past Paper?以下係個人對不同Past Paper嘅解讀:

 

CE - 題目比較簡單,主要幫你清concept。

DSE - 從marking scheme中學習答題技巧,研究近年來出題上嘅變化。

AL - 題目較有挑戰性,確定自己溫習好才選一些沒有out-syllabus 嘅題目來做。

 

   3.寫Notes

Jot notes嘅時候唔好直接抄書嘅嘢落去,可以先理解課文內容,再用自己嘅文字寫出嚟。短句同符號可以令你嘅筆記更容易睇。例如你可以用箭嘴伐代表因果關係,咁睇相你就唔會好冗長啦!

 

唔知呢啲tips幫唔幫到大家呢?無論如何,都要堅持落去,唔好放棄呀!加油!:)

Share on Facebook
Share on Twitter
Please reload