坐足12個鐘真係溫到書? 6個溫書小TIPS 助你效率LEVEL UP

February 14, 2019

 

 

 

 

 

 

 

 

 

 

 

 

 

 

 

 

 

 

 

 

 

1 要跟返自己生理時間溫書!

通常大家早上時段係會最精神,所以可以做D用腦既野;但食飯之後係
最眼訓,所以更適合放鬆休息一陣。例如朝早就可以做下past paper,下午就抄下筆記,對下答案等唔洗點用腦既野。根據返自己生理時間,唔好勉強自己去溫,自然事半功倍啦!

2 整理返好你個書枱!

如果冇一個整齊既工作空間,點都會有啲干擾你溫書!所以溫書前要確
保你有足夠嘅空間嚟攤開哂啲教科書同Notes!咁樣就唔洗溫溫下又要去摷嘢!一離開張枱,就難再番去繼續溫㗎喇!執完張枱,其他環境都要睇下夠唔夠舒適㗎!你有冇足夠嘅光線?你張櫈舒服嗎?呢D都影響你溫書既效率架!同埋,記得執返好你個書枱呀!

3 Coffee or Tea or Water!

除左飲咖啡,茶,可以有助提神。研究話原來溫書考試前飲杯水,成積
表現會更加好。因為當人體水份充足時,腦細胞較能自由傳遞資訊。點努力溫書都好,要記得注意補充水份 ,先有精神繼續溫!

4 通宵溫書最蝕底!

相信大家都試過係考試前一晚臨急抱佛腳咁溫書,但結果都係記唔到幾多係考試時,仲會攰到差D訓著。所以即使花長時間通宵溫書都冇用,必需要
有足夠睡眠,先可以鞏固記憶! 咪做 Deadline Fighter 啦!

5 訂立目標!

每次溫書都有一個短而明確既目標,係會溫得清晰D同有效率好多架!例如,
一次過Set太多嘢畀自己做,其實根本冇可能做得晒。反而,你可以訂立今日淨係做5條數學題目,一定要當日完成,做少少,都好過完全唔做之後,你會發現做做下就入左狀態,做得更好更多。

6 排除引誘!

好多時編左長時間去溫書,都會變咗6點擺晒啲書本出嚟,之後可能玩吓
Instagram, 影番幾張相知會同學準備溫書,跟住可能同朋友傾吓偈,不知不覺原來過咗60分鐘,好啦,反正7點半先溫數學,可能需要啲零食振作吓自己,落街買咗零食返嚟,準備真係溫書,可能已經7點9, 溫到8點鐘,點知屋企人叫食飯。咁就過咗一日,但係乜都無做過。編左12個鐘溫書,實際時間都係比其他野引誘左去,效率又點會高呢?仲睇?擺開部電話啦! 

Share on Facebook
Share on Twitter
Please reload

Featured Posts